Aizawl: MPCC President Lalsawta chuan politics chu mi tlem te tana hausak leh khawsak nawm nan a ni lo a, mi zawng zawng tan a ni tur tih a sawi.
Thawhtanni khan Congress party chuan local council by-election neihna tur, Durtlang Leitan-ah vantlang inkhawm an nei a. He hun hi MPCC president hian a hmanpui.
Lalsawta chuan politics-a an awm chhan a dik a tul tih sawiin, “Hmingthanna, hausakna, nawmsak leh lal kan duh vang a nih chuan heng hi ram kaihhruaina tura thil hlauhawm paih thlak vek tur a ni. Politics hi mi tlem te tana hausak leh khawsak nawm nan a ni lo, mi zawng zawng tan a ni tur a ni. He ram hian mi tak tak, hmangaih taka enkawltu a mamawh tak zet a ni,” a ti.
MPCC president chuan mipui hi bum tlak an ni tawh lo, khai chhuah tlak erawh an nih thu a sawi a. “Mipuite hi kawng dikah hruai kan duh a. |ang Puihna hmangin mi retheite dam khawchhuahna kan siamsak dawn,” tia sawiin, Pathianin lal ram dina thlentir turin Lal Isuan a zirtir a taka thlen turin that loh theih lohna bawm, system dik an zuar tih a sawi.
MPYCC General Secretary S. Lalrinawma kaihruai vantlang inkhawmah hian Hachhek bialtu MLA Lalrindika Ralte, AIPC President Dr. Henry Zodinliana Varte, AMC Corporator Rosiamngheta leh MPYCC President Dr. Lalmalsawma Nghaka pawhin thu an sawi.