Mizoram Football Association hnuaia district club thate inelna, Oriflame 21st MFA Cup chu Thawhtanni khan Khawzawlah an khel tan.
Khawzawl DFA Ground, Mualvawm a inelna ni hmasa berah hian Group A atangin inkhel pahnih a awm.
Inkhel hmasa zawkah a thlengtu DFA aiawh Khawzawl Veng GSA leh Hnahthial DA aiawh Bazar FC te an inkhel a. 3-1 in Khawzawl Vengthar GSA an chak.
Khawzawl team tan V. Lalhriatrenga chuan first half leh second half-ah goal a khung ve ve a, a goal hnih khung inkarah Rooney Malsawmdawngkima chuan goal khat a khung.
Bazar FC tan Rodinmawia chuan goal khat a khung ve bawk.
Inkhel hnuhnung zawkah TMFC, Melbuk (Champhai DFA) leh Project Veng FC (Kolasib DFA) te an inkhel ve thung a. Lalrohlua leh Vanlalnghaka ten goal khungin 1-1 in an inhnehtawk