Rajasthan Royals in Indian Premier League season kallaiah hma hruai fal turin champion lai Gujarat Titans an hneh a. Wicket thum a chakin ball thum an hmang bang.
Royals hian chak turin run 178 an mamawh a, wicket li an hlohin run 66 chiah an siam. Ball 48 atangin run 112 an mamawh a, an hmabak a ko tih an hai lo.
Nimahsela Sanju Samson leh Shimron Hetmyer te an inkar a, Samson-a’n ball 32 atanga run 60 a siam laiin Hetmyer-a’n ball 26 atangin run 56 out lovin a siam a. A tawp thlengin an team a chakpui.
Pathianni inkhel hmasa zawkah Mumbai Indians in wicket 5 in Kolkata Knight Riders an hneh a, a vawi hnih nan tun season-ah an chak.