Aizawl : Lunglei district level SEDP committee chu nimin khan an Chairman Lunglei Baw- rhsap Ramdinliani hovin SEDP thawhhnihna kalpui dan tur an sawiho.
Lunglei district-ah hian SEDP thawhhnihnaah beneficiary 1400 thlan an ni a. MLA bial thenkhata siamrem ngai awm te chu tun thla ni 23 hmaa thehlut turin committe chuan a ti a. West Tuipui bial atanga additional list chhungkaw 1163 dilna chu SEDP executive board-a dilsak turin an pawm bawk.
Thutkhawm kaihhruaitu Bawrhsap chuan Lunglei district-ah hlawhtling taka SEDP kalpui a nih theihna turin uluk taka ngaihtuahna seng turin member te chu a sawm a. SEDP line department te chu an hnuaia beneficiary te theihtawp chhuahpui tura chahin, beneficiary te kaihhruai leh vil zui kawngah thahnemngai taka hma la turin a chah.
Lunglei dist-ah hian line deptt. 9 – Agriculture, Horticulture, AH&Vety Fisheries, Sericulture, Land Resources, Soil & Water Conservation, Commerce & Industries, UD&PA leh Tourism te an awm a ni.