France a Ligue 1 club Stade de Reims a khel mek Arsenal striker Folarin Balogun chu Europe club-te ngaihven hlawh zingah a tel mek.
Kum 21 mi America a piang England youth international hian tun season-ah Reims tan league-ah goal 18 a khung tawh a. Hei vang hian Ligue 1 club hlun zawkten an enthla uluk hle.
Olympique Marseille in an tlarhmaah Alexis Sanchez thlaktu atan an duh a, January thla khan Vitinha chu Euro maktaduai 32 in lei tawh mahse Balogun an la duh tho.
Anni bakah hian Lille leh Monaco ten Jonathan David leh Wissam Ben Yedder te an chhuahtir chuan an ngaihven nghal tur nia ngaih a ni bawk.
France pawn lamah RB Leipzig in Christopher Nkunku thlak tura an hual zing ami a ni a. AC Milan in an tlarhma tuaithar nan an duh niin an sawi tel.