Hindu pathian pakhat, Lord Vishnu-a pian nawn vawi sarihna, Lord Rama piancham, Ram Navami chu nimin khan India ram hmun hrang hrangah Hindu sakhaw zuituten an hmang.
President Droupati Murmu, vice president leh Prime Minister Narendra Modi te chuan he ni pual hian he ni hmangtu mipuite chibai an buk.
President leh vice president chuan Ram Navami-ah hian ram mipuite chu duhsakna an hlan a. Thinglung thianghlim tak neia an nunkhua tha taka hmang zel turin duhsakna an hlan.
President chuan Lord Shri Ram piancham, Ram Navami hi phurna leh thathona nena hman thin a nih thu a sawi a. Mipuite chu dikna leh mi dangte ngaihhnathiamna leh puih duhna thinlung pu turin a sawm.
Lord Shri Ram-a chuan dik, thutak leh mi dangte tana hnawk lova nung turin mi a zirtir thin tih sawiin, chutiang chiah chuan a piancham lawmtute pawh awm turin a sawm bawk.