Aizawl : Aizawl West III bialtu MLA VL Zaithanzama’n Zo hnahthlak hmun hrang hranga awm te inen hrang lova insuih- khawm a tul tawh takzet niin a sawi.
MLA fund Rs. 1,50,000 hmanga YMA, Lawipu Veng branch-in bungraw dahna in an sak a hawnnaah he thu hi Inrinni khan Aizawl West II bialtu MLA VL Zaithanzama chuan a sawi a. “Kan tanruala kan inpu- mkhat phawt chuan hnam ropui leh chhuanawm tak kan ni chho ngei ang,” a ti.
Aizawl West III bialtu MLA VL Zai- thanzama chuan “Mi- zo te hian ram zau tak nei mah ila a chhunga cheng te kan inpumkhat si loh chuan awmzia a nei dawn lova, Mizo hnamah tupawh an rawn tel duh chuan lawm taka kan pawm thiam a pawimawh, Mizo hn- am nih duh lem lo erawh buaipui dan ta- wk thiam a har khawp ang,” a ti bawk.
YMA bungraw dahna in hawnna hun kaihhruaitu YMA La- wipu branch President H. Lalhriatpuia’n bi- altu MLA-in Lawipu khawtlang tana a hn- athawh leh a thil tih te sawiin, lawmthu a sawi a. Lawipu Veng Local Council Chairman Malsawmdaw- ngliana pawhin MLA hmalakna te fakin, MLA fund hmanga Lawipu khelmual si- amthat mekah pawh hna a that thu leh lawmawm a tih thu a sawi bawk a ni.