Aizawl : Health Minister Dr. R. Lalthangliana hovin medical association hrang hrang – Indian Medical Association, Mizoram Govt. Doctors Association leh Non-Govt. Hospital Association of Mizoram hotute nimin khan an inkawm a. Manipur buai kara Mizoram mi tang- khang leh Manipur-a Zofate bakah sahimna zawnga Mizorama lo lut te chhawmdawl chungchang an sawiho.
Mizoram doctor ten Churachandpur Civil ho- spital tanpuina tura Rs. nuai 7 chuang an thaw- hkhawm chu ropui a tih thu Health Minister ch- uan a sawi a. Damdawi tam tham tak thawna, tangkhang leh hliam nga- ihsak leh ngaihpawima- whna lantir zel chu lawmawm a tih thu a sawi.
Health Minister chuan Churachandpur medical superintendent leh doctor dangte nen an inbiak thu sawiin, tun dinhmunah harsatna an tawk lemlo nia an sawi thu a sawi a. Mizoram atanga damd- awi thawn chungchangah lawmthu an sawi thu a sawi bawk.
Dr R Lalthangliana chuan Manipur Addl. Chief Secretary nen pawh boruak muanawm a awm thuai theih nan theihtawp chhuaha tan tlan a tul thu an sawidun tih a sawi a. Manipur-a Mizo zirlai leh hnathawka awmte chu Mizorama hruai haw mek an nih thu sawiin, reilote ah hruai haw kim thuai an nih tur thu a sawi bawk.