MZP Hqrs. Champhai huaihawtin nimin khan Govt. GM Higher Secondary school tualah zirlai ten Govt. GM HSS-a zirtirtu indaihloh avanga sorkar laka an lungawilohna an lantir.
Govt. GM HSS-a zirtirtu indaihlohna chungchang chu MZP Hqrs. Champhaiin kum 2019 aṭang khan an buaipui tawh nia sawiin, tun thlengin thu lawmawm hriat tur a awm tak loh avangin lungawilohna an lantir ta niin an sawi.
Sorkarin an thil ngiat te a tihhlawhtlin loh avang leh sorkar atanga an lungawina tawk chhanna an hmuh loh avangin vawiinah pawh sorkar laka an lungawilohna lantir chhunzawm an tum thu sawiin, Champhai kha- wpuia sorkar office zawng zawng leh zirna in zawng khar vek tura hmalak an tum thu an sawi a. Hei hian bank leh hospital OPD te erawh a huam loh tur thu an sawi.
MZP Hqrs. Champhai chuan Govt GM HSS chu Champhai-in sorkar enkawl higher secondary school an neihchhun a nih thu sawiin, Champhai khua leh a chhehvel ami te pan ber a nih thu an sawi a. Zirtirtu an indaihloh avangin zirlai harsa tak tak ten sum tam tak sengin hmun dangah zirna an chhunzawm a ngai thin nia sawiin, English, Mizo, Accountancy leh Biology te chu zirtirtu indaihloh zualna niin an sawi bawk.