ZPM thalai President Dr. C. Lalrammawia’n East Tuipui biala khaw hrang hrang tlawhin, niminah Thekpui-ah thu a sawi a, “ZPM chu kuthnathawktute leh thalaite tân chhanchhuahna lawngpui a ni’, a ti.
Dr. C. Lalrammawia chuan Mizo ṭhalai ten khawpuiah mi in luahin inchawm thei tawk tawkin mi hnuaiah tam takin hna an thawk tih sawiin, “Thalaite hi an mahni khua leh an inpui aṭang ngeia an thawh tur eizawnna kan siamsak a ngai a ni’, a ti a. ZPM chuan thalaite an dawmkâng dawn niin a sawi.
ZPM a sokar chuan Lalduhoma kaihhruaina hnuaiah a takin DAH policy kalpui a ni dawn niin ZPM thalai President chuan a sawi a. Kuthnathawktu ten an thawhhah man hlawk zawkin an tel dawn niin a sawi.
Dr. C. Lalrammawia chuan, “Sorkar hna in min daih loh avangin thalaite eizawnna tur nasa takin ZPM chuan a buaipui dawn” a ti a. “Bana kaih policy hmangin ka thalaipuite mahni kea an din theihna turin kan tanpui dawn a ni”, a ti.
ZPM thalai President chuan, politics thiltihtheihna hmanga thiltitheilo zawkte rahbeha an awm ṭhin pawi a tih thu sawiin, politics-ah hlauh an neih avanga an sawi duh pawh sawi ngam lo leh an duhna pawh tilang ngam lo mipui zingah an awm thu sawiin, hei hi ZPM sorkârah nuaibo a nih tur thu sawiin, “Zalenna politics a awm tawh dawn”, a ti bawk.