US State Department chuan Pink Flyod dintute zingami Roger Waters chu tunhnaia Berlin khawpuia show a neihnaah Juda mipuite rilru na takin a hliam, tiin a sawisel.
Waters hian stage-ah Nazi ho inthuam dan ang deuha inthaumin, Swastika ang emblem awmna trench coat dum a hak bakah fascist dictator Hitler-a chet dan nena sawi zawm theih tur angin a khawsa bawk.
Juda huatna leh mil lohna vawi duai lo sawichhuak thin leh a chetziaah te pawh lantir thin tawh hian an sawiselna leh sawichhiatna te a ngaipawimawh lo hle. Politics hamthatna beiseina bei thinah a puh let fo bawk, tun tumah pawh hian heti ang tho hian a chhanglet.
US State Department chuan tunhma atang tawhaa chetdan leh khawsak dana zawhna tam tak lo siam tawhtu hian Juda mipuite huatna leh diriamna chu chetzia leh landan hmangin tun tumah pawh hian a chetchhuahpui leh a ni, a ti.