India khawthlang lam, Pune khawpuia chemical plant-a kangmei chhuakah mi 18 vel an thi.
Nilaini tlai dar 3:45 vela kangmei chhuah tan lai hian a chhungah thawktu mi 37 vel an tang a ni.
Kangthelhtute thleng nghal thuaiin mei khu erawh a invawrh darh nasa hman hle a. Kangthelhtute hian bang tichhiain a chhunga tangte chu an chhan chhuak.
Kangmei chhuah chhan hi hriat mai theih a la ni lo tih thuneituten an sawi.
Factory hi SV Aqua Technologies ta a ni a. An company hi chlorine dioxide siamtu an ni a, an thil siam hi tui sawngbawlna atana hman thin a ni.
Factory awmna hi Pirangut industrial estate an tih a ni a, Pune atanga km 16 vela hla niin factory leh plant dang pawh an awm teuh va. Thawktute pawh a bul hnai tete-a cheng an ni hlawm.
Prime Minister Narendra Modi chuan hna thawktu thite a tawrhpui thu leh pawi a tih thu a sawi a, an chhungte chu Rs. 2,00,000 theuhva ral an nih dawn thu a sawi a. Hliam tuarte pawh Rs. 50,000-a kan an ni dawn bawk.
Factory awmna, Maharashtra state sorkar pawhin Rs. 5,00,000 theuhva ral an nih tur thu a sawi bawk.