Aizawl : Nilaini khan NIPUN Bharat Mission buatsaihin Foundational Literacy & Numeracy (FLN) Rally chu Aizawl khawpui chhung – Joint YMA field Vaivakawn, Bawngkawn PS & MS II, leh College Veng field ah te buatsaih a ni.
NEP-2020 hnuaiah sorkar laipuiin zirna kawnga hmasawnna atan Foundational Literacy & Numeracy (FLN) hi naupang kum 3-9 inkara ina ziak, chhiar leh chhiarkawp te awmze nei zawka an zir thiam theih nana hmalakna a ni a, chumi FLN tihhlawtlin nan leh hmalak chhoh nan chuan Mission din niin, chu chu NIPUN Bharat Mission tih a ni. Chumi Mission zinga hmalakna pakhat atan chuan FLN Rally hi neih a ni a. FLN Rally hi Nu leh Pa te, NGOs, khawtlang mi, Zirlai leh Zirtirtute etc. te hnena Awareness Campaign neihna kal zel tur a ni.
June ni 1 atanga ni 15 inkar chhung hian State in activity chi hrang hrang tih tur kan nei a hei hi tep ter takin central atanga hrilh hriat kan ni a, tuna rally kan neih ah hian schools thlan chhuah ten Education pawimawh thu leh tangkai na te tarlangin chart paper kengin school awmna vengah zirlai ten an kal kual pui anga a, a kharna hmun chu Joint YMA field Vaivakawn, Bawngkawn PS & MS II, leh College Veng field ah te neih tur niin, he Rally-ah hian zirlai 1515 an tel a ni, tiin thuchhuahah chuan an tarlang.
He Foundational Literacy & Numeracy (FLN) Rally-ah hian Malsawmtluanga (Mama), Footballer; Lalhruaitluanga Chawngte, Journalist & Writer leh Lalrina Renthlei, Basketballer ten an tel pui bawk.