Lunglei South Assembly bial chhunga Mualcheng South khaw chawmtu, solar water pump JJM Scheme hnuaia siam chu bialtu MLA Dr. K. Pachhunga’n nimin khan a hawng.
Dr. K. Pachhunga chuan Mualcheng South khuain tui kang nghak tawh ngai lo tura nizung chakna hmanga tui hnianghnar tak an nei thei dawn tawh chu a lawmpui thu sawiin, he solar pump hlawhtlin theihna tura theihtawp chhuahtute chungah lawmthu a sawi.
Mualcheng South Solar Water pump hawnna function hi VCP C. Zosangliana’n a kaihruai a, Sr.EE. R. Laltlanchhunga PHE, Rural Watsan Div. Lungleiin technical report a pe a ni.
He solar pump atan hian Rs. 3,12,14,000 sen niin in 186-ten an chhawr tangkai dawn a. Tun din hmunah an tui mamawh chin aia tam a supply theih dawn a ni.