NBA a chanchin a record ni turin Denver Nuggets star pahnih an che a. Finals mai pawh ni lo, regular season leh playoffs-ah pawh la thleng lo thlentir in Nikola Jokic leh Jamal Murray ten Miami Heat lakah an team 109-94 in an chakpui.
Jokic leh Murray hi NBA chanchin a team khat a 30-point triple-double nei thei ve ve hmasa ber an ni a. NBA Finals chanchin a team khat atanga player pahnih triple-double nei thei hmasa ber an ni bawk.
An team an chakpui avangin Denver Nuggets hian NBA champion ni turin vawi hnih chak chiah an mamawh tawh.
Miami a Kaseya Center-ah Murray-a’n point 34 score in rebound leh assist vawi 10 ve ve a nei a. Jokic-a’n point 32 a score bakah rebound 21 leh assist 10 a nei ve thung.
Nuggets coach Michael Malone chuan, “Kum sarih an khelh dun tawh chhunga an inkawpa an la chetthat ber a ni ang.” tiin a player pahnihte a fak.
Game 4 hi naktuk zingah an khel leh ang.