West Ham United in kum 43 an nghah tawh trophy lian an nghak chhuak a. Fiorentina lakah huntawp dawn lamah chakna goal khungin Europa Conference League-ah an champion.
Prague a Fortuna Arena-ah final hi nghah a ni a. Second half tan tir lamah Fiorentina tan Giacomo Bonaventura chuan team goal tha tak a khung avangin extra time an khelh a ngai mai dawn niin a lang hman.
Nimahsela West Ham in an mamawh ang result nei turin kheltha lo zawk ni chung pawha chak theihna an lantir a. Jarrod Bowen chuan Lucas paqueta ball fing chu nang chungin an chakna goal ni turin a khung.
Final inkhelah Hammers tan Said Benrahma chuan penalty atangin goal hmahruai a khung a. Nimahsela tlarhnungah Kurt Zouma inhliam avangin an buai a, Italian team in ball chang hnem zawkin an tlarhma hriam se inkhel danglam vek thei a ni.
La Viola in Christian Kouame hmanga chance an neih bakah Luka Jovic hmangin goal an khung chu pawm loh a ni bawk.
West Ham manager David Moyes chuan, “Hei hi ka tan hun lawmawm a ni. Football-ah hian hun rei tak ka hmang tawh a, hetiang hun han tawn hi ka nei tam lo. Zaninah kan duh ang result kan nei a, a lawm zawkah kan tang hi a ropui. Kan duh angin khel lo mah ila a tawpah chuan final a chak hi thil pawimawh a ni.” a ti.