LBS Suzuki 21st Inter Branch YMA Football Tournament 2023 chu zaninah chinfel a ni dawn. Champion thar an awm dawn a, Tlangnuam Branch nge Venghnuai Branch tih zanin dar 8-ah zawn a ni ang.
Nilaini zanah semi-final khelh a ni a. Inkhel hmasa zawkah Bawngkawn leh Tlangnuam ten final luh inchuhna nih phu football an khel.
Tlangnuam in PC Lalchhanchhuaha hmanga hma an hruai hmasak hnuah halftime hma in Bawngkawn in F. Lalremtluanga leh MC Malsawmzuala hmangin an lehthal. Second half-ah Tlangnuam in CVL Remtluanga leh Zothanpuia te hmangin an ‘comeback’. Bawngkawn in MC-a hmangin si phurh an sut niin an inngai hman, mahse offside avanga pawm a ni lova, thutlukna in sawizui a hlawh.
Inkhel hnuhnungah veng inthenawm, coach inhrechiang an inhmachhawn a. Eric Remruatpuia Chhangte hmangin Venghnuai in 1-0 in Salem Veng an hneh.
Venghnuai hi player naupang, talent nei tha kawl hnem an ni a. Tournament tan atang team tawhkhirh an ni dawn tih rinsa a ni.
Final a an hma a ding turte hi team tha Armed Veng, Durtlang te pawh hneh tawh an ni. Team lian ngam thei an nih avangin zuam chi an ni lo.