MNYF bultumin MNF thalai Pisa-ah nimin khan MNF Gen. Hqrs. hnuaia fro- ntal hrang hrang – MN- YF, Ex- MNA, Senior Front leh Women Front te an inkawmhkhawm a. He inkawmhona hi MNF Thalai President Dr L. Thangmawia’n a kaihhruai.
MNF Thalai President chuan “Lalna leh thuneihna hi Pathian ta a ni a, an sawi ang em em hian Chief Minister Zoramthanga hi diklo ni se Pathianin a Chief Mi- nister tir lovang” a ti a. “Tuna kan kal dan en hian term thara kan sor- kar leh sorkar loh hi kan kutah a awm a ni” a ti.
L Thangmawia chuan “party atanga malsawmna dawn tum ringawt hi a fuh lo, Mizo hnam tan kan bei anga, a malsawmnain min zui ang”, a ti bawk.
MNF thalai President chuan ZPM chungchang pawh sawiin, “Mizo mipuite huaisen taka bumin ZPM hian ‘kohhran hi kan party a ni’ tih leh ‘unit din a ngai lo’ titute hian an tih loh tura an sawi te an ti vek tawh” a ti a. Party thenkhat candidate puan ruala buai tur an awm nia sawi awm thin pawh a takin a thl- eng ta mek niin a sawi.
ZPM-in candidate changlo te tuamdam tur committee an din chu party dangin an tih ngai loh a nih thu L Thangmawia chuan sawiin, “an party Treasurer in a awmna party show cause notice a pe te hi kalphung dangdai tak a ni” a ti a. “Kan beih ngai lovin ZPM hi anmahni leh anmahni an inbei tawk a ni”, a ti bawk.
MNF-a frontal hrang hrang kalkhawm te hian resolution siamin an pawm a :
- Chief Minister Zoramthanga kaihhruai Mizoram sorkarin sum harsatna namenlo kara ram hmasawnna leh himna tura hma a lakna hi lawmawm kan ti.
- Kum 2023 Mizoram inthlanpui lo awm turah MNF in sorkarna a chan leh ngei theihnan lungrual taka Pathian rawn chunga hmalak ho zel nise kan ti.
- Myanmar, Bangladesh leh Manipur tualchhung buaina avanga sahimna zawnga kan unau Mizoram a rawn tlanlut te Mizoram sorkar leh Zoram mipui ten kan lo tuamhlawm zel hi lawmawm kan ti a, kan unaute tana huaisen taka khawvel hriat a ding ngam Chief Minister Zoramthanga kan chhuang takzet a, Kan unaute buaina leh harsatna ah chhawmdawl zel turin a tawp thlengin kan ding reng dawn a ni.
- UPSC Preliminary exam result chhuakah Mizoram atanga mi 12 inziaktling an awm hi lawmawm kan ti a. Thalaite hmasawnna tura kawng hrang hranga Mizoram sorkar hmalakna hian rah duhawm tak a chhuah zel kan beisei a ni.
- Ram tana kan rawngbawl pui political party dang ten an chhungkuaah buaina nasa tak an tawh mek laia Pathian hruaina changa MNF in buaina tawk lova lungrual taka ke kan pen tlang zel hi lawmawm kan ti.