AZL: Mizoram Journalist Association (MJA), Lunglei district chuan nimin chawhnu khan Lunglei District Information & Public Relation Officer C. Lalremruati, MIS hmun danga awm tur thlahna hun an hmang.
Thlahna inkhawm Lunglei Press Club-a neihah Thanghmingliana Renthlei, MJA Lunglei Vice President in kaihruai a. Lunglei Dist MJA President Laltlanthanga’n thu sawi.
Lunglei DIPR kalchhuak tur pawhin IPRO Lungleia a thawh chhungin tawn hriat tam tak a neih thu a sawi a. MJA te nen thawhhona tha tak an nei chu lawmawm a tih thu a sawi a. Lunglei MJA te chuan theih tawp chhuah zel a democracy-a lung pawimawh an nihna hre zel tur leh mipui tana theihtawp chhuah zel turin Lunglei MJA te a chah.
C. Lalremruati hi Mizoram sorkarin July, 2017 khan District Information & Public Relation Officer atan dahin, kum sarih dawn a awm hnuah Champhai DIPRO turin sawn a ni.