Mizo National Front (MNF) chuan nimin khan thuchhuah siamin, Manipur buaina avanga Zohnahthlate tuamhlawm kawngah chief minister, minister leh MLA te hmalakna chhuanawm an tih thu an tar lang.
An thuchhuahah MNF chuan, Manipura tlangmi te chunga Meitei in rawng tak maia nunau pawisawi lote nen lam chunga an chet mekna chungchangah, demna leh Zohnahthlakte tawrhna tawmpui nana ZORO hmalakna fakawm an tih thu an sawi a. He hmalakna hian inunauna kawngah nasa lehzuala min phuarkhawm phah an rin tlat thu leh huaisen taka thlavang hauh hi Zofa kiltin ami ten an tih tur, an tih makmawhah an ngaih thu an tar lang.
Manipur buaina kal zelah Zohnahthlakte chhawmdawl kawngah te, puih an ngaihna kawngah leh neitu rilrua lo tuamhlawm kawngah MNF sorkar hnuaia Chief Minister, Minister leh MLA rualte hmalakna chu chhuanawm an tih thu an sawi a. Mi tinin an phak ang tawk theuha tawngtaina nen Zohnahthlakte harsatna tawh mek hi thlir liam mai lo va, an harsatna tawh mek chinfel a nih thuai theih nana theihtawp chhuah chhunzawm zel turin Zoram mipuite an ngen bawk.