Aizawl : Lunglei Govt. College Auditorium-cum-Annexe building thar chu ni- min khan bialtu MLA, Minister ni bawk C Lalrinsanga’n a hawng.
Minister C. Larinsanga chuan amah ngei pawh zirlai a lo nih tawhna Lunglei Govt. College-in hmasawnna ruhrel thar tha tak an nei chu lawmawm a tih thu sawiin, building ha- wn thar chuan an hna- thawhna leh an zirnaah te nghawng tha a neih ngei a beisei thu a sawi.
Zirlai kalkhawmte chu an thil tih apiangah Pathian hnaih tur leh ruihhlo laka fihlim tlat tura chahin, an zirnaah tum mumal neia, chh- ungkua, khawtlang leh ram tana chhawr tlak nih tum turin Minister chuan chah a. Zirlaite chu Mizo hnam zia- rang leh history te ngaihlu a, hun lo kal zel turah ram leh hnam chawisangtu ni thei tura tan la turin a chah.
C Lalrinsanga chu- an Mizoram youth co- mmission, LESDE leh department dangte kal- tlangin sorkarin thalaite tan zirna leh entrepreneurship lamah te scheme tha tak tak a ruahman thu sawiin, ngaihvena, lo hmang tangkai ve turin zirlaite chu a chah a. Lunglei Govt. College ruhrel mamawh dangte pawh Special Assistance to States for Capital Investment (SASCI) sch- eme kaltlanga buaipui- sak a tum thu sawiin, building thar tha tak an neih chu duat leh uluk taka enkawl chhunzawm turin a chah bawk.
Technical report-a a lan danin, Lunglei Govt. College Auditorium cum Annexe bui- lding hi Mizoram sor- kar Special Plan Assistance (SPA) Rs. nuai 472.22 senga sak a ni a. 16.10.2016 ah hna tan a ni a. He hna- thawktu Contractor Lalrintluanga Punte chu vanduaithlak taka a boral avang leh Lunglei Govt. College chu Covid Care Centre-a hman a nih avang leh Containment zone-a puan a nih avangin hna a muan phah ta a ni.