Wimbledon hmeichhe champion Elena Rybakina chu quarter-final-ah a tlawm a. Nikum final a a hneh tawh Ons Jabeur chuan a hneh let.
Seeded number six Jabeur hian Nilaini zana inkhelah hian set khatna a hloh hnuah set hnih la zuiin 6-7 (5-7) 6-4 6-1 in a chak a. Nizan khan Aryna Sabalenka nen semi-final an khel lehnghal.
Tunisian mi Jabeur hian a khingpui ball vaw na thei tak Rybakina hi nikum lama a hmachhawnin a nawr na tawk lova. Tun tumah chak turin huaisen taka a nawrtu zawk a a tan a ngai tih hria in a khel huaisen hle.
Ball vuak dik atanga point hmuh 35 a nei a. Set hnihnaah 5-4 a an intluk laiin set la turin a khingpui service a break sak a. Set thumnaah Rybakina tan insiamthatna hun a siamsak leh tawh lo.
Jabeur chuan a chak hnuah, “Ka khelh huaisen a ngai tih ka hria a, a nawrtu zawk ni a, a ball vuak lo chhanglettu ngawt nih a chi lo, a chhan chu ka nawr zawk loh chuan player hlauhawm a ni.”
“Hmachhawn awlsam a ni lova, nikum final kha tun zawk hi nise ka ti hle.” tiin a sawi.
Ball vaw na tak ni ve tho Sabalenka hian Madison Keys chu 6-2 6-4 in a hneh a. Kuminah Wimbledon hmeichhe singles a vawikhatna atan a champion an awm dawn tih a chiang.