Spanish champion Barcelona chuan kum 18 mi striker Vitor Roque chu Brazilian club Athletico Paranaense atang lalut turin an tifel.
Barcelona hian kum sarih contract, kum 2024 atanga hman tan tur an ziahpui a, Euro maktaduai 500 a leichhuah theihna a nei ang.
Barca hian a manah Euro maktaduai 30 an pe anga, Euro maktaduai 31 dang a khelhdan a zirin an la pe leh bawk ang.
“Barca ka zawm tur hi ka tan chuan suangtuahna a tak ram a chang a ni.” tiin Roque chuan a sawi a. Paranaese tan hian vawi 66 inkhel tawhin goal 22 a khung a. March thla khan Brazil tana inkhel thei naupang ber a ni bawk.
Kumtir khan South American Under-20 championship-ah Brazil top scorer a ni tawh.