Netflix-a lar tak ni chho mek, ‘Emily in Paris’ series-a Ukraine mi leh sa an tarlan dan leh sawi duh dan chu ram leh hnam pawi nasa tak sawina a ni a, an lung-awi lo hle niin, Ukraine culture minister-in a sawi.
Hna chungchanga France khawpui Paris-a zin, American hmeichhe tleirawl Lily Collins channa series thar berah hian Petra an tih, Ukraine mi pakhat chu Dawr-a mi thil ru anga tarlan a ni a, Minister Oleksandr Tka-chenko a lawm lova, inhmuhsitna lian takah a ngai.
Ukrainian actress Daria Panchenklo (Petra anga inlan) hi fashion thila bo ve tak leh inchei thiam lo tawp anga tarlan a ni bakah an rama thawn haw hlau ngawih ngawihah an chhuah hram bawk nen, an thin a rim hle.
“Emily in Paris-a Ukranian hmeichhe pakhat tarlan a nih dan hi eng-tikawngmaha pawm theih a ni lova, inhmuhsitna tawp-khawk a tling,” tiin Mr. Tkachenko hian Telegram-ah a ziak.
“Hei hi maw.. ramdanga Ukrainian an hmuh dan chu ni ta..” tiin a tuihnih zui nghal bawk.
Ukranian media te tarlan danin, Minister hian Netflix thuneitute hnenah Petra an tarlan chung-changa a lungawi lohna hi ziakin a thlen tawh a ni.