Tottenham Hotspur chuan kum 27 mi Brentford striker Ivan Toney chu England striker Harry Kane-a’n club a chhuahsan chuan an ngaihven dawn a, January thla thleng football khel thei lo tura hrem a ni mek. (Football Transfers)
PSG president Nasser Al-Khelaifi leh France striker Kylian Mbappe te chuan kum 24 mi in contract a ziah belh tawh dawn lo tia a sawi hnuah a vawikhatna atan hmaichhanah inbiakna an nei dawn. (Sky Sports)
Chelsea in tunkar hian Brighton midfielder Moises Caicedo lalut turin Pound maktaduai 70 chuangin indawrna an kalpui leh dawn a, kum 21 mi Ecuador international hian Blues hnenah hian contract ziak turin inbiakremna an nei sa tawh. (Standard)
Manchester United chuan Atalanta atangin kum 20 mi Denmark striker Rasmus Hojlund lakluh tumna chu ngawrh zawkin an kalpui tan dawn. (Telegraph)
West Ham United in Portugal midfielder Joao Palhinha, 28, chu Pound maktaduai 45 a lei an dilna chu Fulham in an hnawl a, Manchester United atanga England defender Harry Maguire, 30, loan a hawh an tumna pawh hnawl a ni tawh. (Guardian)
Wolverhampton Wanderers chuan Switzerland international defender Nico Elvedi, 26, chu German club Borussia Monchengladbach atangin lakluh an tum. (Daily Express)
Burnley, Leicester City leh Sheffield United te chuan loan in Manchester United leh Ivory Coast winger Amad Diallo, 21, te chu hawh an duh. (Daily Mail)
Nottingham Forest in Manchester United nen England goalkeeper Dean Henderson, 26, lei ngheh theih dan chungchang sawiin an indawr tan. (The Athletic)
Leeds United chuan Chelsea atangin kum 22 mi Wales defender Ethan Ampadu chu Pound maktaduai 7 vel bawr a lei turin inremna an nei hnai. (The Athletic)