Barcelona forward Ousmane Dembele chuan French champion Paris Saint-Germain a zawm dawn tih a coach Xavi Hernandez chuan a sawi chiang.
Kum 26 mi hi Barcelona in AC Milan nen friendly an khelh tumin substitute bench-ah dah nimahsela a inkhel lo.
Xavi chuan, “Sawmna a dawn thu leh chhuah a thlan thu a sawi. Ama thutlukna a ni.”
“Helai hi sawichian ka duh a, Paris St-Germain atangin sawmna a dawn hi tlang takin a sawi a, a pawm dawn avangin tih theih kan nei lo.” a ti.
Dembele hian nikum khan Barcelona a contract a hman zawh hnuah contract hniam zawk ziahpui tura an sawma chu pawmin kum hnih contract thar a ziak a. An tan match 185 khelin goal 40 a khung tawh.