Aizawl: July 27, 2023-a Vaivakawn Zohnuai, Aizawla Vanlalkunga in chim bang chu nimin zing khan a chim leh.
Thudawn danin, Vanlalkunga in chim bang hi zing dar 6:30 bawr velah a chim belh leh a. He hiana hnuaia National Highway No. 54, Sairang leh Lengpui tumhmun panna kawngpui chu tibuai pha lo mah se, fimkhur thilah he kawngpui hi zing dar 8 atang khar leh rih a ni.
Vanlalkunga in bula in pakhat chu a che reng a, chim mai thei dinhmunah a ding niin thudawn a ni a. An chenna in innghahna a chet reng avang hian Vanlalkunga te hi July 4 khan hmun him zawkah an lo inthiar chhuak tawh a ni.
Nimin tlai khan NH hnaih lam leh a chhaklam hi lei a che leh a, leivung leh tui luang chuan kawngpui hi a hnawh leh a ni.