Aizawl : AH& Vety department leh Mizoram Livestock development board tangkawpin ni thum (August 9-11, 2023) awh tur Bawng kah rai dan chungchang inzirtirna, Veterinary Polyclinic Hospital Confer- ence Hall, Khatla, Aizawla an buatsaih chu nimin khan AH & Vety Minister Er. Lalrinawma’n a hawng.
AH & Vety Minister chuan “khawvel thang zelah mihring kan pung zela, ei leh bar mamawh sang chho ve zel avanga harsatna thleng theite tunlai thiamna, hlawk zawka ei leh bar thar chhuah theihna hmang tea kan lo dawnsawn thiam a tul” a ti a. “Tunlai thiamna technology tha tak tak te a nihna ang taka chhawr tangkai thei turin a enkawl dan dik leh felfai neih hmasak a tul” tiin, mihring punna leh ei tur punnate chu a inkungkaih tlat avangin a inkhuangrual theih nana tanlak chu thil tih makmawh a ni” a ti.
Lalrinawma chuan mihring mamawh ei leh bar dehchhuah kawnga A.H & Vety Department hnathawh ropui a tih thu leh thawktute inpekna leh thahnemngaihna fakawm a tih thu a sawi a. Tunlai thiamnate banphak ve zel thei tura intuaithar peih a pawimawh thu pawh sawiin, District hrang hrang atanga training tura Vety Doctor kalkhawmte chu training hlawkthlak tak hmang theuh turin duhsakna a hlan.