Aizawl : Excise & Narcotics Department (END)-in Myanmar ram buai vanga raltlana Mizorama khawsa mek mi pahnih hnen atangin heroin thahnem tak an man.
Nilaini zing dar 6:30 khan END hian Zuangtui (ZEDA peng), Aizawl-ah heroin kg 1 & gram 5 (hawng 86) leh a neitu nia puh mi pahnih – Biakzaawi (25), Falam, Myanmar (tuna Bawngkawn Brigade Venga khawsa mek) leh Priscilla Biaklenmawi (20), Falam, Myanmar (tuna Zokhawthara khawsa mek) nia inchhalte chu an man.
Nilaini vek zing dar 2:10 khan END leh CADS thawkdunin Thenzawl Vengthar (Horticulture Road)-ah heroin gram 249 (hawng 20) leh a neitu nia puh – Lalhmangaihtluangi (24), Thenzawl Vengthar nia inchhal chu an man bawk.
Heroin vanga mante hi dan tlawhchhanin thubuai siamsak an ni a. Nimin khan Court-ah hruai nghal an ni.
Heroin vanga mante hi thiamloh chantir an nih chuan kum 10 atanga kum 20 thleng jail tan tir leh pawisa Rs 1,00,000 atanga Rs 2,00,000 thleng chawitira hrem theih an ni bawk.