A studio album palina, ‘UTOPIA’ hmangin Travis Scott-a’n record ropui siamin, kumina hip-hop album hlawhtling ber a nihpui.
Houston-a piang rapper hian July 28 khan album ngaihhlelhawm tak hi a tlangzarh a; Beyonce, Teezo Touchdown, Drake leh star lar dangte’n track 19 awmna album-ah ‘aw’ an thawh ve bawk vangin ngaihven a hlawhzual.
Album pathuma, ‘Astrowold’ hlawhtlingpui hnu lawka vawrhchhuah album hi tlangzarh kar khat lek chhungin unit 496,000 hralhchhuah niin, khawvelpumah vawi maktaduai 650 chuan stream a ni hem hem tawh bawk a. Ram 17-ah charts-ah pakhatna a nihpui.