Paris Saint-Germain chuan Brazil forward Neymar chu Saudi Pro League club Al-Hilal hnena hralh turin Euro maktaduai 90 in inremna an nei.
Kum 31 mi hian medical a neih fel a, tul dangte tihfel a nih hnuah a club thar hi a zawm ang.
Kum 2017 a world record ni tura Pound maktaduai 200 a Barcelona atanga PSG zawmtu Neymar hi Inrinni zana Lorient nen an inkhelh tumin squad-ah telh a ni tawh lova. An coach Luis Enrique chuan first team a ruahmanna a neihah a tel lo.
Saudi Arabia-ah hian kum khatah Euro maktaduai 150 vel a hlawh dawn nia sawi niin hei hi tunah PSG a a hlawh let ruk vel a ni.
PSG tan hian vawi 173 a inkhel hman a, an hnena a awm chhungin trophy 13 a la hman.
Hetihlai hian Paris-ah inhliam avangin a buai ve fo thin a, a bikin a kheimit vangin a chawl ngun. March thla khan zai niin July khan training a zawm leh thei chauh a ni.