Mizoram a futsal tournament lawmman sang ber tur D. Buanga & Sons Inter Village Futsal Tournament 2023 chu October atangin neih a ni dawn.
Tlangnuam Futsal Ground (Phillip Remthanga Indoor Stadium) -ah October 24 atangin neih tan a ni ang.
He tournament hi Tlangnuam Games & Sports Association leh Mizoram Football Association ten an buatsaih dawn a. Media partner-ah LPS vision an ni anga, live-a pek chhuah thin tura ruahman a ni.
Local Council/Village Council khat atangin team hnih aia tam lo tel theih a ni dawn a, player-ten an khelhna tur veng/khua ah voter ID an nei ngei tur a ni. Kum tling lo voter ID la nei lo tan Aadhar card hman theih a ni ang.
Champion in cheng nuai khat an dawng dawn a, pahnihna in cheng sing ruk an dawng ang.
Entry fee hi Rs 1,500 + 500 security deposit niin September 30 thleng pek theih a ni a. Google Pay hmanga pe duh tan 9612305314 -ah pek theih niin veng/khua hming ziah lan zel tur a ni ang