Eminem-a lawyer te chuan Republican presidential candidate Vivek Ramaswamy hnenah lehkha thawnin, Eminem-a hla lo rap vak vak tawh lo turin an hriattir.
US President nih tuma intlansiakna hautak bei mek leh biotech entreprenuer hriat hlawh ni bawk hian karhmasa khan “Lose Yourself’ hla chu Iowa State Fair-ah a chham nghek nghek mai a, campaign ni pah fawmah hian mipuiin an lo hlut hle.
Hetih lai hian Eminem-a record comapny BMI lam an lawm lo hle thung a, phalna leh remtihna awm miah lova boruak siam nana a lo rap ve chiam thin chu an lung ni lo.
Mr Ramaswamy hi 2024 Republican nominee nih inbeisei, Donald Trump paihthlak tuma thapui thawh ve reng a ni.
A thupuangtu chuan Enimen-a ngenna hi an ngaipawimawh dawn tih a sawi a, Republican candidate-in a hlathu reng reng lo hman tawh lo tura an hiattirna chu an pawm ang, a ti bawk.
Tunhma atang tawh khan politician te’n zaithiam te hla sa a, mipui hmaa boruak siam tumna lamah sawisel an lo tawk fo tawh a, American politics-ah ngat phei chuan heti ang hi sawi tur a tam.
Mr Trump hian Rolling Stones, Queen, Adele leh Pharrell Williams te bakah zaithiam dang thahem tak hnen atangin complaint a dawng fo tawh a, campaing leh presidential event lianthamah te phalna nei miah lovin a thlawh fof.
Kum 2008 khan Foo Fighters band chuan Republican John McCain chu ‘My Hero’ hla campaign nana a lo hman thin vangin an duh loh thu an auchhuahpui tawh a, boruak a sosang hman thelh nghe nghe.