Kumin MLA inthlanpui lo awm tura inbuatsaihnate thlithlaia Mizorama rawn zin, Election Commission of India (ECI) hotute hnenah nimin khan Mizoram Pradesh Congress Committee (MPCC) chuan MNF sorkar chu inthlan puan hnua SEDP sum sem titawp turin ngenna an thlen.
Thawhlehni khan ECI hotute leh political party hrang hrang aiawhte chu Aijal Club-ah an inkawm a. He hunah hian MPCC aiawhte chuan inthlan kaihhnawih thu pawimawh hrang hrangte an lo thlen a. An thu thlen zingah MNF sorkarin SEDP sum an sem hi inthlan puan a nih atanga tihtawp hmak a nihna tura hmala tur te, inthlanna kaihhnawiha sum leh therhlo sem a reh theihna tura tan la tur te, tar leh rualbanlote tana vote thlak dan awlsam zawk ruahman tur te, Inrinni leh Pathianniah inthlan vote thlak hun ruat lo tur te-in an ngen a ni.
Tun tuma ECI-in state inthlan hmabak inbuatsaihnate enpuia an tlawh hi tih thin dan ni mah se, ECI hotu lian zawng zawng, mi 20 chuang an fehchhuah hi thil chhinchhiahtlak tak a nih thu MPCC chuan an sawi.
Inkawmnaah hian Chief Election Commissioner leh Election Commissioner pahnihte bakah Mizorama election officer eng emaw zat an tel a ni.