Manchester United goalkeeper Andre Onana chu Africa Cup of Nations qualifier an khelh tura Cameroon squad a telh a ni.
Onana hi thla 9 kalta khan Qatar a 2022 World Cup khelhlaiin Cameroonian Football Federation chuan an hrem.
Kum 27 mi Onana hian July thla khan Inter Milan atangin Manchester United hi a zawm a. Old Trafford-ah David de Gea thlakin first choice goalkeeper a ni mek.
Onana hian nikum December khan an ram football federation in a hrem hnuah ram tana inkhelh a chawlhsan thu a puang a. FECAFOOT in an hrem chhan hi Cameroon coach Rigobert Song nen an inhmuhthiam loh vang niin an sawi.
Song chuan, “Harsatna engmah kan inkarah a awm tak tak lo. Mipui hma a hemi chungchang ka sawi hnuhnun berah a thutlukna a nih thu leh ram tana inkhel leh tura a tih ngai chu aman a hriat thu ka sawi tawh.” a ti a. Onana lam hian engmah thu an la nei ve lo thung.