Mizoram a I-League club Aizawl FC chuan Delhi lama hmunpui nei Trajon India company-te chuan Thawhlehni zan khan thawhhona thuthlung an ziak.
I-League club leh Trajon te hian Royale Lalawi conference room ah inremna thuthlung hi an ziak a. He hunah hian Aizawl FC aiawhin Club Director Vanlalfelpuia Royte leh Freddy Lalnunsanga ten hming ziakin Trajon India aiawhin company neitu Sushanta Deb leh Akash Das te chuan hming an ziak
Thawhhona thuthlung hi seaon khat chhung atan a ni anga, inbiakrem dan a zira pawhsei zel tura tih a ni.
Inremna thuthlung an ziah zawh hian Aizawl FC Director Vanlalfelpuia Royte chuan kum hei leh chen hnua Mizo football club hlun leh Mizo thalaite hmangaihtu in an sensote chhawk zangkhai tur an hmu ta chu lawmawm a tih thu a sawi a. Trajon India te nena an thawhhona chuan Mizoram football tana rah duhawm a chhuah ngei a beisei thu a sawi bawk.
Trajon India hi Aizawl FC main sponsor an ni ang a, club thuam chak kawngah theihtawp an chhuahpui dawn a ni.