A chuai lam tawh tih ah Backstreet Boys star lar tak ni thin Nick Carter chuan a vanglaia hmeichhe dang laka mipat hmeichhiatna lam hawia mawi lo taka chetna a nei nia puhna leh hekna chu tunlai hian a richho leh mek.
Thubuai pathumna ni turin tunhnai khan Las Vegas-ah A.R.. tih hming bul tan hmeichhe pakhat chuan kum 15 mi lek a nih laiin Nick hian vawi tam tak a khawih nawmnah, tiin court lamah a zual kova, thubuai lian tak a thlen.
A sawi zel danin, 2003 khan Yatch-ah vawi tam tak a tuar a, tour bus-ah pawh hun hrehawm tak tawk lehin, hetih lai hian Nick hi kum 23 mi a ni.
Thubuai a thehluhah Nick hian tihluihna in Zu leh drugs a pe thin a, a duh lo chung leh a ngen lawm lawm chung paw’n a tinawn fo niin, a tarlang bawk.
Hemi hnu hian mipat hmeichhiatna atanga inkaichhawn theihna natna hrehawm tak nei chhovin, chu chuan a taksa leh rilru-ah hrehawmna nasa tak a thlen a, harsa takin a nun leh hun a hmanchhoh phah,’ a ti a ni.