Aizawl : MC Lalrinthanga Publications (MCL Publications) Office thar, lehkhabu an chhuah sak hrang hrangte leh document pawimawhte dahkhaw- mna ‘MCL Publications Office cum Libr- ary’, Khatla South, Ai- zawl ami chu nimin khan Deputy Chief Minister Tawnluia’n a hawng.
Deputy Chief Minister chuan MC Lalrinthanga sulhnu bakah a hmalaknaa lehkhabu chhuah leh document pawimawhte dahkhawmna buatsaih a ni chu lawmawm a tih thu a sawi a. Lehkhabu leh document pawimawh te tha taka vawnhim chu thangtharte tana rohlu a nih thu a sawi.
Tawnluia chuan “Ram leh hnam tana inpe zo, Zopa tak leh hnam thinlung pu mi, naupang te ni chunga remna leh muanna kan neih theihna tura theihtawp chhuahtu leh thu leh hla ziah, chhut chhuah leh thehdarh kawnga mi tangkai Pu MC Lalrinthanga sulhnu hrang hrangte hi tangkai taka hman a nih ngei ka beisei” a ti a. “A kutchhuak leh lehkhabu chhutte mamawh huna en mai theiha dah chhuah a ni hi a remchang hle a, a taksa awm tawh lo mahse, a thu leh hlain Zoram khawvel a chenchilh reng tawh dawn a ni, a ti bawk.
MCL Publications Office cum Library-ah hian MC Lalrinthanga lehkhabu chhuah (publish) 52 bakah a kutchhuak document pawimawh tak tak te leh lehkhabu dang te dah a ni a, hengte hi a mamawh apiang te tan a hmunah pan theih reng a ni dawn a ni.