Mercedes-AMG Petronas F1 Team chuan season lo awm tur atan an driver-te an thlung nghet a. Lewis Hamilton leh George Russell te contract thar an ziahpui.
Kum 38 mi vawi sarih world champion ni tawh Hamilton hian kum hnih contract a ziah bhelh a. Kum 40 a pelh thlengin F1-ah a la intlansiak dawn tihna a ni a. Contract a hman zawh hian Mercedes-ah kum 13 a awm tawh dawn tihna a ni.
Mercedes team principal Toto Wolff chuan nikum season tawp atanga Hamilton-a hmalam hunin sawi a hlawh viau hnuah tunhnaiah contract thar a ziak hnai tih hi a lo sawi tawh.
A teammate kum 25 mi Russell hian kum 2022 khan Mercedes hi a zawm a, ani pawhin kum hnih contract a ziah belh.
Formula 1 a technical regulations thlak a nih hnuah nikum atangin Mercedes hian Red Bull Racing an el pha lova, tunhnaiah team lian dangte elpha tura hma lak zel tumin hei vang hian an driver te chelh zel hi an ngai pawimawh.