US Open champion hlui Daniil Medvedev chuan round thumna lut turin hnehna a chang a, Chris O’Connell lakah chakin a inkhel tawp lamah zuih deuh mahse a tang tluan thei.
Seeded number three Medvedev hian 6-2 6-2 6-7 (6-8) 6-2 in a tlinna tur result a nei. Kum 2021 a champion hian set hnih la nghalin set thumnaah pawh a che tha hman viau a, mahse Australian mi a khingpui hian bei letin a tang thei viau.
Set thumna tie-breaker ah la zawkin a dinhmun a siamtha hman a, nimahsela set li naah erawh Medvedev a insiamtha.
Spanish star, champion lai Carlos Alcaraz pawhin a champion title humhim turin hmalam a pan chhunzawm a, Llyod Harris chu straight set in a hneh.
Kum 20 mi Alcaraz hian set thum la zawn mahse a chak dan a awlsam chiah bik lo. Set thumnaah tie-break khelh a ngai a, a khingpui Harris hian set a laksak teuh viau.
Alcaraz hian kum 2008 a Roger Federer hnua a vawikhatna atana US Open title a kum zawna la thei hmasa ber nih a tum dawn. Round thumnaah hian British player Dan Evans nen an inkhel leh ang.
Inkhel dangah John Isner chuan professional tennis a a match hnuhnung ber a khel a, 3-6 4-6 7-6 (7-3) 6-4 7-6 (10-7) in Michael Mmoh lakah a tlawm a. Kum 38 hian a tournament hnuhnung ber a nih tur thu a lo sawi tawh.