Turkey hmar lama ui vulhtu pakhat chu a damlo damdawi inah an kalpui a, a ui chuan um zui zelin a pu lo chhuah hma chu damdawi in bathlarah a nghak ngat ngat mai.
Black Sea kama Trabzon khawpuia mi, Cemal Senturk-a ui hi Boncuk tia koh a ni a. A pu damlo phurtu ambulance chu zuiin a pu an dahna damdawi in bathlarah hian a awm reng mai a ni.
Sentuk-a fanu, Aynur Egeli chuan Boncuk-a hi an inah pawh a hruai haw thin a; mahse, in thlen hnu lawkah chhuakin damdawi in bawk hi a pan lehzel niin mi mal news agency pakhat, DHA hnenah a sawi.
Damdawi in vengtu, Muhammet Akdeniz-a pawhin zingah dar 9:00 velah damdawi in a thleng a, zan thleng a awm a, damdawi in chhungah chuan a lut ve ngai chuang lo niin a sawi a. Kawngka an hawn pawhin a lu a dak lut ringawt thin.
A pu pawh hi a harh deuh hnuah hruai chhuah niin a ui nen hian an inkawm a. Tunah phei chuan a pu hian damdawi in a chhuahsan tawh.