United States hmarchhak lam state paruka Hurricane Ida kal zel avanga chhiatna thlenga thi chu mi 45 an tling ta.
President Joe Biden chuan sik leh sa uchuak tak avanga chhiatna thleng thin dan a nih theih nan sum leh pai pawh tam zawk sen a tul thu a sawi.
US hian tun hnaiah sik leh sa avanga chhiatna nasa tak an tawk mek a, a do letna chu ‘thih leh dam kar’ a nih thu president chuan a sawi.
New York City leh New Jersey-ah chuan beisei lawk aia tam ruah surin mi tam tak chu an chenna ina tui nasa taka lut leh an lirtheiah an tang.
President Biden-a chuan New Jersey leh New York-ah hian emergency puangin a sorkar atangin puihna tam zawk pek theih a ni ang.
Sik leh sa inthlak nasa avangin tuna an tawn ang thlipui leh ruahpui hi a thleng tam zual em tih finfiahna chu awm chiah lo mah se tuipui chung boruak a lum a, hei hi hurricane, cyclone leh typhoon insiam chakna tura boruak tha tak a ni a. Ruah pawh tam zawk a sur phah thei bawk.
Khawvel pum hi industrial era lai aiin 1.2°C-in a lum tawh zawk a, sorkar tam takin boruak tha lo tichhuak tlem turin tan la mah se a la sawt thei lo.