Aizawl: Sorkar flagship programe SEDP chhungkaw lam hawi thawh hnihna sem leh tur chu nimin khan Tawpui South leh a chhehvelte tan hawn a ni a, a hawngtu, Dr. K Pachhunga, MLA chuan an intiam angin Rs nuai 3 an sem dawn tih a sawi.
SEDP tanpuina thawh hnihna sem tur hawngtu, Lunglei South bialtu MLA Dr. K.Pachhunga chuan mi thenkhatin SEDP chu sawi chhe thin mah se mi rethei, kuthnathawk bultanna nei lote tan malsawm a nihzia leh a tangkaizia MNF sorkarin a hria a, sum harsa chung chung pawhin an sem zel dawn tih a sawi.
Dr. K.Pachhunga chuan Pathian leh mipui zarah an sorkar leh anga an intiamna ang ngeiin Rs nuai thum chu an sem hrim hrim dawn tih a sawi a, SEDP thawh hnihna dawng tura thlante chu dik tak leh tha taka sorkarin a tum ang ngei a hmang tur in a chah a ni.
SEDP thawh hnihna hawnnaah hian vety, horticulture, agriculture leh commerce & industry department hnuai atanga tanpuina dawngtu chhungkaw 324-ten APR an sign a, tanpuina dawngtute hi Tawipui, Tawpui South, Thualthu, Mualthuam South, Tawipui North 1 leh 2 leh Mualcheng South-a mite an ni.