Zote Toyota Mizoram Premier League Season 10 round 4 vawiin atangin khelh a ni dawn a. Chhun dar 11-ah Electric Veng FC leh Project Veng FC te an inkhel ang.
Electric Veng FC hi an inkhel hnuhnung berah champion lai Chawnpui FC lakah chak thei an ni a, an huntha an hloh. Lehlamah Project Veng FC in Police an draw a, an point hmasa ber an hmuh avangin an phur dawn.
Inkhelhna tur 1st BN MAP Ground, Armed Veng a ni a, khelmual a len loh avangin Project Veng FC tan ‘chance’ a awm a ngaih a ni.
Chawhnu dar 2-ah Chhinga Veng FC leh FC Venghnuai an inkhel dawn a. Match thum atanga point khat chiah la hmu CVFC tan chak a pawimawh tawh.