AZL: RD Minister Lalruatkima’n Mizoramin ni za inhlawhnaah a thawh that avangin sorkar laipui atangin duhsak bik a nih thu a sawi.
Nimin khan Mahatma Gandhi National Rural Employment Guarantee Scheme (MGNREGS) sum Rs. nuai 161.64 senga sak, Reiek Block Development Officer pisa sak thar chu a hawng a. Thu sawiin Mizoram RD department-in Mizoram mipui zaa 80 vel a enkawl mek a. MNF kaihhruai sorkar hun chhung hian ni 100 thawh tura tih a nih angin an la thawk thei zel tih sawiin, “Ni 100 inhlawhnaah kan state chuan kan thawh that avangin central atangin duhsak bik kan ni,” a ti.
Lalruatkima chuan, thalaite dinchhuahna turin self help group kaltlangin MzSRLM hmalakna-in kalpui mek a ni tiin, thalai mi tumruh, taima leh teirei peih te’n hlawhtlinna an chang mek zel chu lawmawm a tih thu a sawi bawk.