K-pop star Wang Yiren chu South Korea-ah nasa taka sawisel a hlawh mek a, Seoul khawpuia concert-ah fans te chibai buk laia a bandmate te ruala thingthi lova kut khinghniha chibai a buk chu an pawm thei lo.
Everglow band lar taka tel mek hi Chinese tihdan angin fans te chibai a buk a, mahse a tla fuh lo. ‘China-ah haw rawh, South Korea-ah sum siam tum reng reng suh’ tih te’n social media-ah an umzui nasa hle.
Tun thla tir lama thil thlengah hian chi ang zâwnga inhmuhsitna te hial richhuakin, Korean fan te’n an dim lo.
Kum thar chibai buknaah China rama an tihdan angin Wang-i hian a ti ve mai a ni a, mahse a thiante erawh thingthiin fan te chibai an buk thung.
Website lar allkpop. com chuan, “Hei hian Chinese ho nunrawnzia leh midangte an zahpah lohna te bakah culture dang an hmuhsitna thlengin a pholang a ni,” tiin a ziak.
Hetih lai hian, China fan te chuan an thisen zawmpui thlavang nasa takin an hauh ve bawk a, Chinese te hi midang hmâah an thingthi ngai lo, tiin \an an khawh nasa hle.
Wang-i erawh chuan ngawih a chuh thung.