Aizawl : Kolasib District AIDS Prevention and Control Committee (DAPCC) leh Mizoram State AIDS Control Society (MS- ACS) ṭangkawpin ni- min khan I&PR Conference Hall, Kolasib-ah District Level Red Ribbon School Quiz Competition an buatsaih a, R. Lalhriatzela leh Robert Hmangaihzuala, Kawnpui Hig- her Secondary School te pakhatna an ni. An ni hian State level inelnaah Kolasib district ai an awh ang.
He hun hmanpuitu Kolasib Bawrhsap John LT Sanga chuan zirlaite a ngaihpawimawhzia sawiin, sor- kar hnathawk leh tuna mihlawhtling tak tak te pawhin zirlai an lo nih ṭhin tawh angin, an pal tlang tawh ang dinhm- una ding mek zirlaite ngaipawimawh se a duh thu a sawi a. Zirlaite chu ram hruaitu tur leh ram hma hun tur an nih thu hrilhin, ram rochunga, kaihruaitu tur leh ram siam- ṭha tur nihna thinlung pu-a lehkha an zir chu- an Pathian malsawmna an dawng dawn tih hre turin a chah.
Zirlai nih chhunga tih tur pawimawh ber chu lehkha zir a nih thu Bawrhsap chuan sawiin, zirlaite chu an nih tumah chianga, an tum tipui- tling tura tihtakzetna nena lehkha zir tur te, hriselna ng- aipawimawha, zan mut hma leh zing thawh hma chin ṭhana neih tur te, ruihtheihthil laka inthiarfihlima, mahni inthunun tlat tur tein a chah.
Kolasib Bawrhsap chuan HIV/AIDS hlu- ar zel chu ṭhalai tam tak tichhetu leh ram hmelma lian tak a nih avangin a do kawngah mitin ṭanrual a ṭul takzet thu pawh a sawi a. HIV/AIDS laka invenna ṭha ber chu nun thlahdah loh a nih thu sawiin, zirlai kalkh- awmte chu an nun uluk turin a chah bawk.
He inelnaah hian Kolasib district-a zirna in 10 atangin zirlai pahnih theuh an tel a. R. Lalhriatzela leh Robert Hmangaihzu- ala, Kawnpui HSS te pakhatna niin, pahnihna C. Zoṭhapuii leh Jacob Lalhmingsanga, Govt HS, Kawnpui te an ni a, HD Darthangmawii leh Lalruatsangi, Chawnghming- liani Memorial HS te pathumna an ni.
Kolasib district din- hmun District Sr Chief Medical Officer Dr RK Lalthlamuana report-a a lan danin kum 2002 June leh kumin July inkar chhungin Kolasib district-ah HIV hrik kai leh kai loh hriatna tura thisen endik 90,559 (mipa 36,494 leh hmeichhia 54,065) aṭangin HIV hrik pai mi 1,787 hmuhchhuah an ni.