Aizawl : Mizo Hnam Run chhung inkhawm nimina neiha hmanpuitu MPCC Treasurer K Vanlalauva chuan ram vei kohhran hruaitu an nei a, sorkar hi an tawngtai chhanna a nih thu a sawi.
Nimina Mizo Hnam Rum chhung inkhawmah thusawiin K Vanlalauva chuan, ram vei kohhran hruaitu an neih avangin kum 2018 MLA inthlan dawn khan an tawngtai a. Tuna sorkar mek hi an tawngtai chhanna a nih thu sawiin, “Tun dinhmunah kan Chief Minister hi dawt tinrengin bei thin mah se, kan tawngtai chhanna kal zel a la ni,” a ti.
K Vanlalauva chuan kohhran hote’n subject siamin thusawitu an tirchhuak nasa tih sawiin, speaker-ten neutral taka political education an sawi theihna turin kohhranten theihtawp an chhuah a, thahnemngai takin ram khalh ngil hna an thawk tih a sawi.
Nakumah Los Sabha MP thlan a ni dawn a, state hrang hrangin campaign beihpui an thlak a, an inbeihna pawh a na hle tih sawiin, “Politics-a inbeihna tenawm tak tak karah Mizoramah chuan kohhranten inthlanna thianghlim a awm theihna turin hma an la,” a ti.
Mizo Hnam Run inkhawmah hian Lawngtlai District Hqrs President Lalzahawma pawhin thu a sawi ve bawk.