Tunhnai mai khan rimawi khawvel chuan pop star lar pahnih Olivia Rodrigo leh Taylor Swift te inkarah inhmelmakna namen lo a awm ngei niin a hriat a, Olivia hla thar, ‘The Grudge’ hian a nemnghet nia hriat a ni.

He hla ah hian, “I have nightmares each week ’bout that Friday in May/ One phone call from you and my entire world was changed.” tih a awm a, he hla thu hi ngaithlatute’n Taylor Swift nen inzawmna thuk tak a nei tih an hre nghal deuh vek a, tunhma lama inthiantha leh inzahtawntak te inkara inhuatna leh inhmelmakna lo thleng a ni ngei a ngaihna leh hriatna a vung chho hle.

Thil thar anga sawi theih ni lo mah se, tunhma tawh khan zaithiamte’n an hla thu leh music kaltlangin mimal ang emaw midangte nena an inkar hi an lo sa chhuak fo tawh a, rimawi khawvelah sawi leh hriattur a tam malh malh hle.’

Inhmelmak tanna

Oliva hla lar, ‘Deja Vu’ atanga khan sawi tan theih a ni ang. Hei hi an pahnih inkara chhiat tanna leh inhmelmakna bulthut te pawh a tih theih bawk. Olivia hian hla hi Swift hla, ‘Cruel Summer’ ngaihthlak atanga a phuah niin a sawi a. Amaherawhchu, a hnu lawkah Swift chu co-writer angin a tarlang leh lawi a, hei hian zawhna nasa tak siam nghalin, songwriting credits chungchanga inhmuhthiam lohna leh pawm tlan lohna chiang takin a tarlang a tih theih.

Olivia hian Swift hi mimal tak pawha ngaihsan leh a super fan anih thu a tirah khan a sawi zauh tawh. Amaherawhchu, ‘Deja Vu’ hla tihchhuah hnu atang erawh a ngaihdan leh hawi her a danglam nghal chiang hle a. TV kaltlanga thil sawihona ah emaw Swift chungchang tarlanna sawichhuah leh zawhna angah a phur hluai tawh loh bakah heti ang lam hawi subject atangin a insaseng deuh deuh tih theih turin a awmdan a thlak fel hmak tawh a ni.