Aizawl : Samagra Shiksha leh Agriculture Department hnuaia Project kalpui mek Green Ag ten nimin khan thawhdunna tur thuthlung an ziak a. Agriculture Department aiawh- in Director James Lalsiamliana’n hming a ziak a, Samagra Shiksha aia- whin State Project Director Lalhmachhuana’n hming a ziak thung.
He thawhdunna tur- ah hian Lunglei leh Mamit District chhunga khaw 38-ah School-a Eco club te hnenah environment chungchang zirtir an ni ang a, zirlai- te chu nungchate hlutna zirtir bakah neitu nihna thinlung an put theih nan zirtir an ni dawn a, hemi atan hian activities chi hrang hrang hman a ni ang.
Green Ag project hi Global Environment Facilities (GEF) hnuaia kalpui a ni a, GEF ah hian ram changkangho hi sum thawhtu an ni a, dawngtu an ni thei bawk a, India hi chutiang zinga mi chu a ni a, a thawh bawk a, a dawng bawk a ni.
Agriculture Deptt. Director James Lalsiamliana chuan an project kalpui mekah sorkar laipui duh dan zulzuia Samagra Shiksha nen thawhdunna an nei thei chu lawmawm a tih thu a sawi a. Dampa leh Thorang wildlife sanctuary huamchhung khuaah te hlawhtling taka an kalpui theih a beisei thu a sawi bawk.